Envía a túa opinión
Galicia rexistrou neste mes de agosto un total de 211.532 persoas desempregadas, o que supón en termos absolutos un incremento do paro rexistrado en 1.743 persoas. Así o indicou esta mañá en San Lázaro a directora xeral de Formación e Colocación, Ana María Díaz. A cifra representa un aumento porcentual do 0,83%, con respecto ao mes anterior, fronte ao 1,56% do Estado, que rexistra un aumento de paro de 61.083 persoas, o que deixa a cifra total de desempregados no conxunto do estado español en 3.969.661 parados.
Envía a túa opinión
As cuestións que centraron a primeira reunión do Consello da Xunta deste mes de setembro tiveron un marcado carácter económico. Así o indicou esta mañá en San Caetano o presidente da Xunta de Galicia, Alberto Núñez Feijóo. Os clúster da pedra e da lousa, a internacionalización das empresas galegas e a fusión das caixas foron os temas centrais desta reunión.
Envía a túa opinión
A exposición “Camiño de Santiago. Unha visión desde Oriente” de Tomohiro Muda, enmarcada na da programación de Xacobeo 2010, chega hoxe a Fisterra, onde remata a súa itinerancia por algúns concellos galegos. A mostra cómponse dunha serie de imaxes que o fotógrafo xaponés fixo nas súas peregrinacións a Santiago e que reflicten o carácter vertebrador do Camiño. Desde o pasado mes de marzo, as imaxes de Muda puideron contemplarse en Palas de Rei, Ames, Redondela, Dumbría e Muxía, concellos polos que discorren algunhas das rutas xacobeas.
Envía a túa opinión
Non hai tanto que a praza de Azcárraga, o corazón da Cidade Vella da Coruña, era un dos recintos preferidos polos máis novos para o botellón da fin de semana. Agora o Concello herculino, canda a Deputación e a Asociación de Veciños do lugar, pensaron que o espazo, perpetuamente baixo a sombra de enormes árbores, facía un escenario xeitoso para un cine ao aire libre durante as noites do verán. Naceu así o Setembro de Cine na Cidade Vella, que permitirá ver moitas e moi diferentes propostas nos catro venres deste mes, a partir das dez da noite. As protagonistas son as curtametraxes e de seleccionalas encargouse Mr. Misto, organizadores tamén do FestivalOn de Ribadeo, por onde pasaron boa parte das cintas que se proxectarán na cidade herculina.
Envía a túa opinión
Exito da Faculdade de Humanidades de Ferrol. O equipo do Proxecto Arqueolóxico Medio Éufrates Sirio (PAMES), que lidera a Universidade da Coruña e o Servizo de Antigüidades de Damasco desde hai xa cinco anos, concluíu a súa última campaña de campo cun achado excepcional. O pasado mes de maio, os arqueólogos atoparon taboíñas con escritura cuneiforme pertencentes a un arquivo duns 3300 anos de antigüidade entre os restos dunha fortaleza do período Medio Asirio I (contra 1250 antes de Cristo), situada no noroeste de Siria.
Envía a túa opinión
Baixo o lema “Unha homenaxe aos nosos públicos” o festival de música Espazos Sonoros inaugura a súa edición 2010 na compostelá Igrexa de San Domingos de Bonaval mañá venres, 3 de setembro, ás oito da tarde. Farao coa formación Hirundo Maris dirixida pola arpista Arianna Savall. A cita, organizada pola Consellaría de Cultura e Turismo, prolongarase ata o ao 31 de outubro, cun total de 45 concertos e diferentes actividades en 21 espazos repartidos a través de toda a xeografía galega. Nesta terceira edición, Espazos Sonoros dános a coñecer, unha vez máis, novos espazos e novas músicas que nos lembran a forte relación que hai entre o espazo e o son.
