Nesta edición do Concurso presentáronse 22 proxectos de novos negocios. A convocatoria forma parte do programa Compostela Activa 2010, desenvolvido pola Concellaría de Promoción Económica, Emprego, Comercio e Turismo de Santiago de Compostela. O obxectivo do concurso é axudar a aquelas persoas que queiran desenvolver un novo proxecto empresarial no Concello de Santiago, pero que non dispoñen de medios para materializalo.
O programa Compostela Activa 2010, consta tamén doutra convocatoria, a de Axudas para a Creación de Novas Empresas. Ambas convocatorias enmárcanse no Servizo de Apoio á Empresa da Concellaría e contan, este ano, cun orzamento conxunto de 84.000 euros. O Concurso de Novas Ideas Empresariais está dirixido ás persoas físicas u xurídicas que teñan un proxecto empresarial e no momento de presentar a solicitude non iniciaran a actividade.
Establécense seis categorías distintas (xeral, promovidas por mulleres, pola xuventude, de autoemprego, de comercio-turismo e de industria-servizos) cun premio de 4.000 euros para cada unha delas. Un mesmo proxecto pode presentarse a distintas categorías, sempre que se axuste aos criterios especificados nas bases. Contabilizáronse un total de 70 solicitudes de participación.
